مفترق الطرق
صلاح جاهين
سعات أقوم الصبح قلبي حزين
أطل بره الباب ياخدني الحنين
اللي أشتريته أنباع
واللي لقيته ضاع
واللي قابلته راح
اللي قابلته راح
وفات الأنين
حبيبي سكر مر طعم الهوي
فرق م بين قلبين معدناش سوا
حرام عليك يا عذاب
نبقي كده أغراب
د البعد والله جرح من غير دوا
أدي اللي كان
وأدي القدر
وأدي المصير
نودع الماضي وحلمه الكبير
نودع الأفراح
نودع الأشباح
راح اللي راح
معدش فاضل كتير
أيه العمل ف الوقت دا يا صديق
غير أننا عند أفتراق الطريق
نبص قدامنا
علي شمس أحلامنا
نلقاها بتشق السحاب الغميق
صلاح جاهين
سعات أقوم الصبح قلبي حزين
أطل بره الباب ياخدني الحنين
اللي أشتريته أنباع
واللي لقيته ضاع
واللي قابلته راح
اللي قابلته راح
وفات الأنين
حبيبي سكر مر طعم الهوي
فرق م بين قلبين معدناش سوا
حرام عليك يا عذاب
نبقي كده أغراب
د البعد والله جرح من غير دوا
أدي اللي كان
وأدي القدر
وأدي المصير
نودع الماضي وحلمه الكبير
نودع الأفراح
نودع الأشباح
راح اللي راح
معدش فاضل كتير
أيه العمل ف الوقت دا يا صديق
غير أننا عند أفتراق الطريق
نبص قدامنا
علي شمس أحلامنا
نلقاها بتشق السحاب الغميق
