هل انا كدة انسان انانى وماعنديش قلب ولا اية حد يجاوبنى

اسمعو الحكاية وبعدين قولو واحد صاحبى ماحدش يعرفة خالص حكالى حكيتة وقال : :scratch: :| :scratch:
كنت بحب واحدة وصارحتها بالحب دة ولقتها هى كمان بتحبنى فرحت وبعديييييييييييييييييييين وطبعا الحب والكرة مش بأيد حد يختارة او يمنعة
حسيت فجأة انى حبى دة مكانش حب حقيقى كان مجرد اعجاب او مراهقة او مجرد احتياج لحالة حب وبس
المشكلة انى حسيت الاحساس دة بعد ماصارحتها بحبى واصبح فى بنا شبة ارتباط
فكرت كتير اقولها انى مابحبهاش فعلا وانى كنت مخدوع فى عواطفى وفكرت كمان انى ماقلهاش علشان مكسرش قلبها وبعد تفكير كتييييييييير قررت اقولها وفعلا قلتلها كدة طبعا هى انهارت وعيطت كتير وكانت صعبانة علية جدا بس انا كنت شايف انى مش ممكن استمر فى خداعها يعنى اقولها بحبك وانا مبحبهاش والاكتر من كدة اننا ممكن توصل اننا نتجوز وانا حاسس انى بخدعها ومبحبهاش
قولى كنت اعمل اية كنت استمر معاها واكون بكدة بخدعها علشان ماكسرش قلبها ولا صح انى صرحتها علشان مخدعهاش ؟


بجد يا جماعة الموضوع كبير ياترى اية الحل فى الحالة الا زى دة :| :| :| :| :| :| :| :| :| :| :| :| :| :| :| :| :| :| :|


وياترى لو الموقف دة حصل معاك يعنى لو قلت لواحدة بحبك وبعدين اكتشتفت انك كنت غلطان هتعمل اية وياترى لو انت الطرف التانى يعنى لو بنت قالتلك بحبك وبعدين رجعت قالتلك انا كنت غلطانة هل هتتقبل الموقف وتحس ان موقفها دا صح ولا غلط ورد فعلك هيكون اية


:pale:


وياترى البنات ممكن يتصرفو ازاى يعنى لو قلتى لواحد بحبك وبعدين اكتشفتى انك مابتحبهوش وكمان لو ولد قلك بحبك وبعدين رجع قلك انا مابحبكيش يكون موقفك منة اية ورد فعلك ازاى :scratch: :scratch:

ياريت كل واحد يقول رأية بكل صراحة

بصراحه مشكله كبيرة وتسبب الاحساس بالذنب وانا لو اتعمل معايا كده ان واحد قالى ان هو بيحبنى وبعد كده قالى انا كنت غلطان اول حاجة هقولها ان هو كان بيلعب بمشاعرى يعنى مكنش حاسس ان هو بيحبنى ولا حاجة ده فى الاول وممكن بعد كده لما اهدى واستوعب الموقف اللى حصل هقول كويس ان هو مخدعنيش وتمادى فى الموضوع ده حتى بعد ما احس ان هو مش بيحبنى بس بصراحه الموقف صعب اوى
ولو انا اللى عملت كده انى قولت لواحد انى بحبه وبعد كده اكتشفت انى مش بحبه او كان مجرد احساس عابر وراح انا هقوله كده وهفهمه موقفى ومتهيالى كده احسن من انى اخدعه وهو اه انا جرحته اكيد لما قولتله انى مش بحبه بس متهيالى احسن من انى اخدعه
وكنت عايزه افتح معاكم الموضوع ده ان لما الواحد يحس ان هو بيحب يتاكد ازاى ان ده حب حقيقى مش مجرد احساس عابر وهيتنهى عشان ميظلمش الطرف التانى

فعلا يا ميشو ده سؤال مهم جدااااا ..
إزاى الواحد يتأكد انه بيحب فعلا مش مجرد إحساس عابر .. خصوصا ان كل الناس بتحب الحب نفسه .. يعني ممكن الواحد يدخل علاقة مع حد عشان بس يعيش جو الحب و يجرب عواطف الحب حتي لو حب مش حقيقي .. بس بيبقي مبسوط .. سواء ولد او بنت .. انا اعرف ناس كتير في الموقف ده .. مش عارفين هما بيحبوا فعلا و لا عاجبهم جو الحب بس .. يعني لو اى حد تاني إداهم الجو نفسه و قال نفس الكلام و عمل نفس التصرفات هيحسوا ناحيته نفس الإحساس ؟! لو الاجابة ايوة يبقوا بيحبوا الحب .. بس تحديد الاجابة صعب جداااااااااا .. لأن غالبا بيكون معناها التخلي عن انسان ( بيحب او علي الاقل حاسس بكده ) و جرح شعوره !!
أكيد صاحبك ده يا فيومي جرح شعور البنت دى .. بس الجانب الكويس من الموضوع انها ممكن تكون هي كمان مش بتحبه هو نفسه و بتحب الحب و ساعتها الزعل مش هيطول !!

بس انت نفسك مقلتش رأيك بكل صراحة :-)

بصراحه كويس اوى انه قلها
اه بجد دى ربنا بيحبها
لانه اصلا مكانش بيحبها و هو بكدا حلها من اى ارتباط و تقدر تلاقى واحد احسن منه
للاسف فى ناس كتير اوى مبقتش عارفه هى بتحب بجد ولا بتحب مجرد حالة الحب اللى بتبقى عايشاها و واهمه نفسها انها بتحب
يا جماعه اللى بيحب حد بجد ميقدرش يعمل فيه كدا
و مينفعش يكون بيحب واحده و بعد شويه يكتشف انه مش بيحبها او بيحب غيرها , اللى بيحب حد مش بيشوف فى الدنيا كلها الا هو و بس , بيشوف الدنيا كلها اصلا بعين الى بيحبه
صاحبك دا ما حبهاش و كويس انها جت على اد كدا و قدر الله ماشاء فعل

و اسفه انى طولت عليكم بس انا حاولت اختصر على اد ما ااقدر و برضه طلعت مقاله , معلش بقى

الموضوع ده بيحصل كتير جدا
للاسف ديه من عيوب فترة المراهقه لدى البعض واللى هى التردد وعدم الحكم على مشاعرهم بشكل صحيح


والمفروض انهم يحمدوا ربنا
واقولك ليه
هو لانه ماظلمهاش معاه وفى نفس الوقت مظلمش نفسه
وهى لانهم لسا على البر وهو صارحها
انا لو مكانه محرجهوش واشكره على صراحته ونبعد بهدوء

وشكرا لك فيومى ولموضوعك المميز

يااااااااااااه موضوع صعب قوي انا لو حصلي كدة اقله يعني انت المفروض لما تيجي تحب حد لازم الاول تتاكد من الحب ده حب ولا اعجاب لانة حرام بجد يلعب بيها كدة وهيه هتقول اكيد كدة ومش هتبقي سهله لانة جرحها صعبه قوي وبالتالي هو غلطان لانة اتسرع واعترفلها من غير مايتاكد
وهو كدة كدة مينفعش يمكل معاها بدل مش بيحبها وياعيني على المسكينه دي بقي