آخر نكته عن الرئيس !!!!

فى فيلم طباخ الريس
طلب الرئيس من طباخه - طلعت زكريا -
انه يقوله كل النكت اللى بتتقال

فقال طلعت زكريا فى افيه شهير :
كل النكت مينفعش حضرتك !

طيب احنا النهاردة بقى هنتجنن فى عقلنا كلنا و كل واحد يقول النكت اللى سمعها كلها
وعلشان اكون لكم قدوة ومثل اعلى فى الفداء و التضحية
- يلا ما هى خربانة ! -
هبدأ و اقول اول نكتة :

النكت
يقال ان السيد الرئيس كان مسافرا ذات مره وراكبا
الطائرة
فرأى مصر من فوووق اوى و شاهد خطوطا طويلة سوداء تملأ مصر كلها
فسأل رئيس وزرائه :
- ايه يا نظيف ده ؟ ايه الخطوط السوداء ديه ؟
- دى طوابير يا فندم ! طوابير عيش !
- ايه ده ! هو الشعب لسه معاه يشترى عيش ؟

واحد اتحشر في زحمة المرور فلقى واحد بيخبطله على شباك السيارة


فتح الشباك و سأله: عايز ايه ؟


قاله
: الرئيس حسني مبارك خطفوه و الفدية 5مليون دولار و لو الفدية مااتدفعتش
.. الخاطفين هددوا يدلقوا عليه بنزين و يولعوا فيه..واحنا بنجمع تبرعات ..
تحب تشارك ؟


الرجل سأل: و في المتوسط الناس بتتبرع بكام ؟


الرجل الثاني : من 5 الى 10 لتر بنزين





مره حسنى مبارك راح مدرسه ابتدائى فلما جت فتره الاسئله ولد رفع ايده
مبارك ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع اساله
1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكين كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟
ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟ مين عنده سؤال ؟
ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟
تامر : انا عندى 6 اساله
1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكين
كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟
5 - ليه جرس الراحه رن ربع ساعه بدرى ؟
6- فين رامى ؟؟؟؟؟؟





*إخبرنى بصراحة يا نظيف ولا داعى للمجاملة أو النفاق .
نظيف : أمرك يا ريس
الريس : أنا الأفضل ولا عبدالناصر ؟
نظيف : انت طبعا يا ريس .. جمال مين اللى كان بيخاف من الروس !!
الريس : طيب أنا الأفضل ولا السادات ؟
نظيف : سادات مين ياريس اللى كان بيخاف من الأمريكان !!
الريس : طيب أنا الأفضل ولا عمر بن الخطاب ؟
نظيف : انت طبعا يا ريس .. عمر بن الخطاب كان بيخاف من ربنا .. انت لأ






*كان فى سرير المرض حينما أخذ يلقى بوصاياه الأخيرة لوزيره نظيف :
- وصيتك الحكم من بعدى يا احمد ..
- فى رقبتى يا ريس .. كله تمام والسلطة هياخدها جمال ..
(ثم راح فى غيبوبة .. أفاق منها بعد قليل )
- وصيتك الشعب من بعدى يا احمد .
- ما تخافش يا ريس .. الشعب ياكل الزلط ...
(ثم راح فى غيبوبة .. أفاق منها بعد قليل )
- احمد
- نعم يا ريس؟
- ماتنساش .. توكيل الزلط لعلاء











*
حسنى مبارك ركب طياره هو وعيلته. طلع ورقه بمية جنيه من جيبه وقال انا
حأرمى المية جنيه دى واللى حيأخدها حأسعده. سوزان قالت له طب ما تخليهم
ورقتين بخمسين وتسعد إتنين. علاء قال طيب ماتخليهم خمس ورقات بعشرين وتسعد
خمسه . جمال قال طيب ماتخليهم عشر ورقة بعشره جنيه وتسعد عشره. الطيار قال
طيب ما ترمى نفسك وتسعد 75 مليون










مرة واحد ركب تاكسي ولقي السواق معلق في العربية صور جمال عبد الناصر وانور السادات وحسني مبارك
الراجل استغرب سال السواق مين اللي انت معلقهم صورهم عندك
قالة دا جمال عبد الناصر الزعيم المصري الراحل
ودا انور السادات قائد حركة السلام والامن في البلد
ودا حسني مبارك أبو علاء شريكي في التاكسي




بيقولك
واحد تانى لقى الفانوس السحرى ده دعكه طلعله العفريت وقاله:شبيك لبيك تطلب
أيه؟ قاله الراجل: أنا عايز كوبرى بين القاهره وأسوان العفريت قاله: دى
صعبه قوى نقى
حاجه تانيه الراجل قاله:خلاص خلى حسنى مبارك يسيب الحكم؛العفريت قاله:أنت عايز الكوبرى رايح جاى ولا رايح بس


علاء مبارك شارك في من سيربح المليون
وصل لآخر سؤال السؤال : من هو اكبر حرامي في مصر ؟

طلب مساعدة صديق واتصل بأخوة جمال وقاله السؤال

رد عليه اخوه : انسحب باللي كسبتوا وما تخسرش أبوك!!








بعد ما الرئيس مبارك مات وبدأ يتعذب جم خيّروه بين 3 طرق تعذيب:
1-يتعذب انجليزى يعنى ساعه جلد وساعه حرق وباقى اليوم راحة
2-يتعذب امريكانى 6 ساعات جلد و6 ساعات حرق وباقى اليوم راحة
3-يتعذب مصرى يعنى 12 ساعه جلد و12 ساعه حرق ومفيش راحة
هواختار الطريقة الانجليزى
فبعد اول يوم تعذيب
شاف كمال الشاذلى معدى
بيقولوا :انت بتتعذب ازاى؟
قاله:مصرى
قاله:طب ده مفيش راحة
قاله : لااااااااا
اصل الفرن قافل والجلاد مجاش














ذهب نظيف عندما كان نائبا الى
نزهة فوجد تمثالا للجندي المجهول يققف ممسكاً
ببندقيته فاقترب منه وأخذ يتأمله، فقال له
التمثال: لقد تعبت من الوقوف فأحضر لي حصاناً
أركب عليه، فتعجب نظيف مما حدث ، وعندما عاد
أخبر مبارك بما جرى، فلم يصدقه ، وطلب
من نائبه أن يذهب سوياً للتحقق من الأمر
وعندما وصل نظيف ومبارك واقتربا من التمثال قال
التمثال لنظيف: لقد طلبت منك حصاناً وليس حماراً





اشتكى
حسنى مبارك لحبيب العادلى إن "حمو النيل "ما بيخلهوش ينام ..بعد تلات تيام
اتصل بيه حبيب العادلى وقاله تمام يا فندم قبضنا على كل اللى اسمهم حمو
وجارى ردم النيل سعادتك.


مره حسنى ونضيف حبوا يتوبوا فراحوا لشيخ يسألوه نعمل ايه؟
وكان معاهم علاء ماشى
الشيخ
قالهم كل واحد يلف حوالين الكعبه بعدد الملايين اللى سرقها فسونه لف 30مره
ونضيف قعد يلف 50 مره فلما راح يقعد حسنى بيقوله حرام عليك خمسين مليون
ياخى دا حرام
قاله صب قوم شوف ابنك اللى قاعد يلف بموتيسيكل من ساعة ماجه


مره
واحد مصرى راح يصطاد قعد لحد مجاب سمكه كبيره واخدها وراح البيت فرحان اوى
وقال لمراته اقليها قالت له منين الزيت غلى خالص ومعنديش
قالها طب اشويها قالت له منين الدقيق بقه نار
فالراجل اتغاظ وقام اخد السمكه وراح رماها فى البحر تانى قامت السمكه قاعده تجرى وتقول
تحيا جمهورية مصر العربيه

مبارك لرئيس الوزراء:
قعدوا ينبروا و يقولوا لا للتوريش لا للتوريش..اهو شوشان ماتت.. و علاء مات.. و جمال مات.. و مافاضلش الا انا.. شعب فقر!


مرة واحد معدي من جنب النيل ..لقى واحد بيغرق وعمال يستغيث..راح نزل انقذه..
بعد ماانقذه الراجل بيقوله ده انا هكافئك مكافأة اطلب كل اللي انت عاوزه .انت عارف انقذت مين ...انا رئيسك مبارك..،،

راح الراجل بصله وقله...ابوس ايدك ياابيه متقلش لحد اني انا اللي أنقذتك..,,


ردك لوحده مينفعش !
شارك و لو بنكتة !
وفقنا الله وإياكم بما فيه خراب المنتدى
وحبس الادمن هههههههههههههههههههههههههههههههههههه